«Azərbaycanla Ermənistan arasında Dağlıq Qarabağ münaqişəsinin həlli ilə bağlı olan prinsipial məsələləri razılaşdırmaq hələ də mümkün olmayıb». Bu barədə «Trend» agentliyinə prezidentin icra aparatının beynəlxalq əlaqələr şöbəsinin müdiri Novruz Məmmədov məlumat verib.

«Dağlıq Qarabağın və Laçın dəhlizinin statusu, sülhməramlı qüvvələrin yerləşdirilməsi kimi prinsipial məsələlərlə bağlı razılaşma əldə olunmayıb. Bunun üçün Ermənistan rəhbərliyi düzgün mövqe tutmalıdır»,-deyə N.Məmmədov qeyd edib. Onun sözlərinə görə, Ermənistan rəhbərliyi münaqişə yarandığı gündən indiyə qədər itirdikləri barədə fikirləşməlidir: «Əgər münaqişə olmasaydı, Ermənistan digər iki region ölkəsi ilə birlikdə inkişaf və qarşısına qoyduğu vəzifələri birlikdə həll etsəydi, ermənilər indikindən 10-15 dəfə yaxşı yaşayardılar. Dağlıq Qarabağ münaqişəsini yaratmaqda onlar həddindən artıq uduzublar və bütün hadisələr bunu sübüt edir».

Siyasət | Şərhlər(0)
Baxış sayı: 33
Açar sözlər: siyasət 

Bu gün Rusiyanın xarici işlər naziri Serqey Lavrov Ermənistana rəsmi səfər edəcək. Ermənistan kütləvi informasiya vasitələrinin yaydığı məlumata görə, səfər Ermənistanın xarici işlər naziri Edvard Nalbandyanın dəvəti ilə baş tutacaq. Rusiyalı nazir erməni həmkarı ilə yanaşı, prezidenti Serj Sarkisyanla da görüşəcək. Danışıqlarda iki ölkə arasında münasibətlərin hazırki vəziyyəti, ötən ay keçirilmiş Medvedev-Sarkisyan görüşünün nəticələri, Cənubi Qafqazda vəziyyət, o cümlədən də Qarabağ probleminin həlli yolları müzakirə olunacaq.

Siyasət | Şərhlər(0)
Baxış sayı: 39
Açar sözlər: siyasət 

Bu gün Ermənistan prezidenti Serj Sarkisyan Tiflisə  rəsmi səfər edəcək. Gürcüstanın Prezident Administrasiyasından verilən məlumata görə, səfər zamanı Sarkisyan Gürcüstanlı həmkarı Mixail Saakaşvili ilə görüşəcək.  Tiflisdə keçiriləcək görüşdə regional təhlükəsizlik məsələləri müzakirə olunacaq.

Siyasət | Şərhlər(0)
Baxış sayı: 34
Açar sözlər: