Uinston Çörçill

Yazar: @ Sentyabr 1, 2008 22:30

Ser Uinston Leonard Spenser Çörçill (ing. Sir Winston Leonard Spencer-Churchill) 30 Noyabr 1874 - 24 Yanvar 1965 - ingilis siyasi və dövlət xadimi, natiq və yazıçı, 1940-1945 və 1951-1955-ci illərdə Böyük Britaniyanın baş naziri və dünyanın bugünkü simasını müəyyənləşdirən şəxslərdən biri.

Həyatı:

1874-cü ildə Blenheym şəhərində qadınların soyunma otağında dünyaya göz açmışdır. O, ata tərəfdən hersoq Marlboronun nəslindən idi. Ana tərəfdən isə admiral Frensis Dreykə qohumluğu çatırdı.

Çörçill 1895-ci ildə orduya daxil olmuş, Hindistan və Sudanda hərbi ekspedisiyalarda iştirak etmişdir. 1899-1902-ci illərdə İngilis-Bur müharibəsi zamanı "Morninq Post" qəzetinin hərbi müxbiri vəzifəsində olarkən əsir düşmüşdür. Əsirlikdən qaçmağı bacaran Uinston siyasi fəaliyyətə başlayır. Mühafizəkarlar partiyasından parlamentə seçilir, lakin 1904-cü ilin aprelində Çemberlenə etiraz olaraq liberalların tərəfinə keçmir. 1905-1911-ci illər ərzində o, Koloniyalar naziri, Ticarət naziri, Daxili İşlər naziri vəzifəsində çalışmışdır. 1911-1915-ci illərdə isə Hərbi Dəniz naziri vəzifəsində olarkən Britaniya donanmasını Almaniya ilə gələcək müharibəyə hazırlayır. 1915-ci ilin fevralında Çörçillin əmri ilə keçirilən Gelibolu və Dardanelə hücum əməliyyatı iflasa uğrayır. 1915-ci ilin ortalarında Çörçill admirallıqdan istefa verdiyini bildirir.

1917-ci ildə Lloyd Corcun köməyilə koalisiya hökumətinin tərkibinə gətirilir. Hərbi nazir vəzifəsinə təyin edilən Çörçill geniş sayda tank istehsalına başlayır və buna görə "tankların atası" ləqəbini qazanır. 1917-ci ildə Rusiyada oktyabr inqilabından sonra, bolşeviklərə qarşı "14 dövlətin yürüşü" planını hazırlayır.

1918-1922-ci illərdə Hərbi nazir və Aviasiya naziri olan Çörçill 1924-1929-cu illərdə Stenli Bolduin hökumətində Maliyyə naziri vəzifəsində çalışır.

şəxsiyyətlər | Şərhlər(0)
Baxış sayı: 54
Açar sözlər:

Ramiz Həsənoğlu

Yazar: @ Sentyabr 1, 2008 18:23

Mirzəyev Ramiz Həsənağa oğlu (Ramiz Həsənoğlu) - əməkdar incəsənət xadimi, Azərbaycanın xalq artisti, tanınmış teatr, kino və televiziya rejissoru - Evləri köndələn yar, Ac həriflər, Yaşıl eynəkli adam kimi milyonlarla Azərbaycan tamaşaçısının rəğbətini qazanmış televiziya tamaşalarının quruluşçu rejissorudur.

Həyatı:

Ramiz Həsənoğlu - 1946-cı ildə İrəvan şəhərində dünyaya göz açıb. Anası milli teatr sənətimizdə bənzərsiz ifa qabiliyyəti olan, əməkdar artist Ətayə Əliyeva, atası əməkdar mədəniyyət işçisi Həsənağa Mirzəyevdir. 1948-ci ildə ermənilərin yenidən azğınlaşmasından sonra İrəvan teatrının kollektivi qonşu Azərbaycana üz tutur. 2 yaşlı R.Həsənoğlu valideynləri ilə birlikdə Gəncə şəhərinə köçür. 1956-cı ildə Bakıya gəlirlər. Ramiz 1965-ci ildə orta məktəbi bitirib Azərbaycan Dövlət Teatr İnstitutunun mədəni-maarif fakültəsinin qiyabi şöbəsinə qəbul olunur. 1966-cı ildən Azərbaycan Dövlət Televiziya və Radio Verilişləri Komitəsində rejissor köməkçisi işləməyə başlayır. Ağaəli Dadaşov, Rauf Kazımovski, Arif Babayev kimi görkəmli sənətkarlardan bu sənətin sirlərini öyrənir.

Filmoqrafiya:

TELEVİZİYA TAMAŞALARI VƏ FİLMLƏR

1. Onuncu Planet (1968);
2. Gülər (1968);
3. Firuzə (1969);
4. Tanatos Mehmanxanası (1969);
5. Bir Parça Həyat (1969);
6. Günəşlə Görüşənlər (1973);
7. Son Gecə (1974);
8. Gecə Müsahibi (1975);
9. Oğulla Görüş (1975);
10.Günəşin Bacısı (1975);
11.Dindirir Əsr Bizi (1976);
12.Səməd Vurğun (1976) - (rejissor) 3 hissəli sənədli, bioqrafik film;
13.Keçən İlin Son Gecəsi (1978);
14.Müsabiqə (1978)
15.Bir Payız Axşamı (1978)
16.Üç Eskiz (1978) - (rejissor) (3 hissəli musiqili sənədli film);
17.Yollar Görüşəndə... (1979) - (quruluşçu rejissor) Qısametrajlı Musiqili Televiziya Tamaşası;
18.Sumqayıt (1979) - (rejissor) (3 hissəli sənədli film);
19.Qatarda (1981) - (quruluşçu rejissor) Televiziya Tamaşası;
20.Ömrün Yolları (1982) - (quruluşçu rejissor) Tammetrajlı Televiziya Tamaşası;
21.Kökdən Düşmüş Piano (1982) - (bədii rəhbər) Tammetrajlı Televiziya Tamaşası;
22.Evləri Köndələn Yar (1982) - (quruluşçu rejissor - Tariyel Vəliyev ilə birgə) Tammetrajlı Film-Tamaşa;
23.Topal Teymur (1983);
24.Günahsız Abdulla (1984) - (quruluşçu rejissor) Tammetrajlı Televiziya Tamaşası;
25.Ordan-Burdan (1987);
26.Yaşıl Eynəkli Adam (1987);
27.Qonşu Qonşu Olsa... (1989) - (quruluşçu rejissor) Tammetrajlı Televiziya Film-Tamaşası;
28.Kamança (1993);
29.Ac Həriflər (1993) - (quruluşçu rejissor), (ssenari müəllifi - Şərif Qurbanəliyevlə birgə)Tammetrajlı Bədii Televiziya Filmi;
30.Fatehlərin Divanı (1997) - (quruluşçu rejissor) (Çoxseriyalı Bədii Televiziya Filmi);
31.Nigarançılıq (1998) - (quruluşçu rejissor) Tammetrajlı Televiziya Film-Tamaşası;
32.Yaşıl Eynəkli Adam-2 (1999) - (quruluşçu rejissor) Tammetrajlı Bədii Televiziya Filmi;
33.Yaşıl Eynəkli Adam-3 (2002) - (quruluşçu rejossor) Tammetrajlı Bədii Televiziya Filmi;
34.Dirsə Xanın Oğlu Buğacın Boyu (2000) - (quruluşçu rejissor) Tammetrajlı Bədii Televiziya Filmi;
35.Nekroloq (2001) - (quruluşçu rejissor) Tammetrajlı Bədii Televiziya Filmi;
36.Salur Qazanın Evi Talandığı Boy (2001) - (quruluşçu rejissor) Tammetrajlı Bədii Televiziya Filmi;
37.Dəvətnamə (2003) - (quruluşçu rejissor), (prodüser) - Tammetrajlı Bədii Televiziya Filmi;
38.Yumurta (2003) - Tammetrajlı Televiziya Film-Tamaşası;
39.Bəylik Dərsi (2007)

1975-1989-cu illər arasında "Azərbaycantelefilm" yaradıcılıq birliyində fasilələrlə aşağıdakı sənədli və musiqili filmlərin rejissoru olub:

1. Bizim qadınlar (sənədli,2 hissə);
2. Nurlu talelər (sənədli,2 hissə);
3. Doğma yurdun təranələri (videofilm-konsert,50 dəqiqə);
4. Səni tərənnüm edirəm, Azərbaycan (videofilm,30 dəqiqə);
5. Üç çinar yarpağı (sənədli-bədii videofilm,30 dəqiqə);
6. Anarla üz-üzə (sənədli,5 hissə);
7. Xoşbəxt Adam (1998) sənədli film;
8. Ömür Ağacı (2002) sənədli film;

BƏDİİ FİLMLƏR

1. Ailə (1998) - (quruluşçu rejissor - Rüstəm İbrahimbəyovla birgə) Tammetrajlı Bədii Film;
2. Cavid Ömrü (2007) - (quruluşçu rejissor) Tammetrajlı Bədii Film

şəxsiyyətlər | Şərhlər(0)
Baxış sayı: 32
Açar sözlər:

Tibb Elmləri Akademiyasında akademik Zərifə Əliyevanın xatirəsi anıldı

Yazar: @ Aprel 30, 2008 22:50

Moskvada görkəmli oftalmoloq, akademik Zərifə Əliyevanın 85 illik yubileyi ilə bağlı mərasim keçirilib. Mərasim iştirakçılarına Zərifə xanımın elmi fəaliyyəti barədə geniş məlumat verilib. Seçenov Akademiyasının tələbələri isə oftalmoloq – alimə həsr etdikləri məruzələrlə çıxış ediblər.