Bu gün Bakıda, Gənclərin 4-cü Beynəlxalq Sammiti öz işinə başlayıb. Sammitdə dünya gənclərinin məşğulluğunun təmin edilməsi və işsizliyin ləğvi ilə bağlı problemlər müzakirə olunur. 3 gün davam edəcək tədbirdə Azərbaycanın 1-ci xanımı Mehriban Əliyeva, eləcə də dünyanın 26 ölkəsindən 69 nümayəndə iştirak edir. Tədbirin təşkilatçısı Heydər Əliyev Fondu, Azərbaycan Gənclər və İdman Nazirliyi, eləcə də bir sıra beynəlxalq qurumlardır

İç Xəbər | Şərhlər(0)
Baxış sayı: 22
Açar sözlər:

Ədliyyə Nazirliyinin Kollegiyası İctimai Komitənin yeni tərkibinin formalaşdırılması üçün elan verib. Nazirlyin mətbuat xidmətidən verilən məlumata görə, İctimai Komitənin ikinci tərkibinin bir illik səlahiyyət müddətinin bu il oktyabrın 31-də başa çatması ilə əlaqədar dövlət, QHT nümayəndələrindən, ictimai xadimlərdən ibarət olan yeni tərkibin formalaşdırılması nəzərdə tutulub. Bunun üçün Seçki Komissiyası tərəfindən müvafiq qaydalara uyğun olaraq İctimai Komitə üzvlərinin fəaliyyətinin qiymətləndirilməsi və təhlillərin aparılması həyata keçiriləcək. Bu sahədə fəaliyyət göstərən qeyri-hökumət təşkilatlarının və hüquq müdafiəçiləri İctimai Komitənin fəaliyyətində iştirak etmək üçün öz proqram və təklifləri ilə Ədliyyə Nazirliyinin Seçki Komissiyasına oktyabrın 25-nə kimi müraciət edə bilərlər. Müraciətə həmçinin namizədin ərizəsi, ətraflı məlumat, o cümlədən əmək fəaliyyətini, təhsilini xarakterizə edən sənədlər əlavə edilməlidir.

İç Xəbər | Şərhlər(0)
Baxış sayı: 27
Açar sözlər:

Bu gün da Milli Məclisin sosial siyasət daimi komissiyasının payız sessiyası çərçivəsində ilk iclası keçirilib. Komissiyanın sədri Hadi Rəcəbli gündəlikdəki birinci məsələ - sosial siyasət daimi komissiyasının 2008-ci il yaz sessiyasının yekunları və 2008-ci il payız sessiyasının qanunvericilik işləri planı barədə məlumat verib. Komissiya sədri bildirib ki, payız sessiyasında “Uşaq idmanı haqqında” və “Reproduktiv sağlamlıq haqqında” qanun layihələri üzərində iş davam etdiriləcək. Gələn il yaz sessiyasında isə “Paralimpiya haqqında” və “Gənc ailənin sosial müdafiəsi haqqında” qanun layihələrinin hazırlanaraq Milli Məclisin müzakirəsinə təqdim olunması planlaşdırılır.
H.Rəcəbli “Əlillərin hüquqları haqqında” Konvensiyaya və onun Fakültativ Protokoluna qoşulmaqla bağlı sənədlər barədə məlumat verərək deyib ki, 2006-cı ilin dekabrında BMT-nin qəbul etdiyi və bir sıra dövlətlər tərəfindən təsdiq olunmuş Konvensiyanın əsas məqsədi əlillər arasında bütün insan hüquqlarının tam və bərabər səviyyədə həyata keçirilməsini təmin etməkdən ibarətdir. Sonra Azərbaycan Respublikasının Əmək Məcəlləsinə təklif olunan dəyişikliklər müzakirə edilib. Bildirilib ki, bu dəyişikliklər əcnəbilərin və vətəndaşlığı olmayan şəxslərin ölkəmizdə əmək fəaliyyətini həyata keçirmələri üçün fərdi icazə alınmasını, həmçinin xarici ölkədə işləmiş Azərbaycan vətəndaşının əmək kitabçasında qeydlərin aparılmasının müvafiq icra hakimiyyəti orqanı tərəfindən həyata keçirilməsini ehtiva edir.
Deputatlar “Giriş-çıxış və qeydiyyat” idarələrarası avtomatlaşdırılmış məlumat-axtarış sisteminin təkmilləşdirilməsi ilə əlaqədar bəzi qanunvericilik aktlarına təklif olunan əlavə və dəyişikliklərə də müsbət münasibət bildiriblər.
İclasın sonunda gündəlikdəki məsələlər Milli Məclisin iclasında müzakirəyə tövsiyə olunub.

İç Xəbər | Şərhlər(0)
Baxış sayı: 38
Açar sözlər: azərbaycan