Reklam verin!

Roma Papası Hindistanın şərqində hindularla xristianlar arasında baş verən toqquşmanı sərt tənqid edi


Avqust 29, 2008 2:30
16-cı Benedikt Şərqi Hindistanda baş verən hədisə xəbərini aldıqdan sonra təəsüfləndiyini və bu hücumun insan həyatına qarşı təcavüz olduğunu bildirib

Roma Papası 16-cı Benedikt Hindistanın şərqində hindularla xristianlar arasında baş verən və 11 nəfərin ölümünə səbəb olmuş toqquşmanı sərt tənqid edib.  Roma Papası Vatikan şəhərindəki çıxışı zamanı Şərqi Hindistanda baş verən hədisə xəbərini aldıqdan sonra təəsüfləndiyini və bu hücumun insan həyatına qarşı təcavüz olduğunu bildirib.
“Müqəddəsliyə hörmət edən şəxslərə üzümü tutaraq  insan həyatına qarşı edilmiş hər hansı hücumu pisləyirəm, bacı və qardaşlarıma həmrəyliyimi və yaxınlığımı ifadə edirəm.  Mən  onların bu məhəbbət naminə gördüyü işlərdə yardımçı olmağa  gücünü əsirgəməməyi və bu dövrdə  onları müdafiə etmələri üçün dua edirəm. Mən dini liderləri və siyasi səlahiyyətliləri hindlilərin fərqli cəmiyyətin üzvləri ilə  birgə sülh şəraitində yaşamasını təmin etmək üçün birlikdə işləməyə dəvət edirəm”.   

Papa 16-cı Benedikt çıxışı zamanı həmçinin bildirib ki, Hindistanın Orissa ştatında hindu liderindən başqa 4 nəfərin qətlə yetrilməsi acınacaqlı bir haldır. Qeyd edək ki, çaxnaşmanın baş verdiyi ştatın Kandahamal məntəqəsində komendant saatı tətbiq olunub. Qeyd edək ki, Hindistanda yaşayan xristianlar kimi dini azlıqlar ölkə əhalisinin 2,5 faizini təşkil edir və onların əsas hissəsi Hindistanın bu bölgəsində məskunlaşıb. Orissa şəhəri isə adətən hindlilərlə xristianlarin əsas toqquşma zonalarından biri sayılır.

 


Devid Milibend: "Postsovet məkanındakı münaqişələrin, o cümlədən Dnestryanı və Dağlıq Qarabağ problemlərinin dinc yolla həllinə nail olmaq lazımdır"


Avqust 29, 2008 2:00
Sergey Lavrov: "Dnestryanı və Dağlıq Qarabağ münaqişələri Cənubi Osetiya və Abxaziya ssenarisi ilə inkişaf etməyəcək"

 

Böyük Britaniyanın xarici işlər naziri Devid Milibend Ukraynaya rəsmi səfər edib. Səfər çərçivəsində paytaxt Kiyevə  gələn Böyük Britaniya rəsmisi Ukraynanın xarici işlər naziri Vladimir Oqruzko ilə görüşüb. Rusiyanın tanınmamış Abxaziya və Cənubi Osetiya ilə bağlı qərarına münasibət bildirən britaniyalı nazir qeyd edib ki, Böyük Britaniya Gürcüstanın ərazi bütövlüyünü və müstəqilliyini tanıyır və Rusiyanın təcavüzkarlığına qarşı Ukrayna ilə birlikdə koalisiya yaradılacaq. Onun sözlərinə görə, Böyük Britaniya və Ukrayna yeni soyuq müharibənin başlamasını istəmirlər. O, həmçinin bildirib ki, əgər Rusiya hörmət və nüfuz istəyirsə, öz siyasətində dəyişiklik etməlidir.

Ukraynanın xarici işlər naziri Vladimir Oqruzko isə deyib ki, Ukrayna və Gürcüstan NATO-ya üzv qəbul edilsə, hər iki ölkə özlərini daha təhlükəsiz hiss edəcəklər və bu, onların təhlükəsizliyi üçün ən əhəmiyyətli zəmanət olacaq. Devid Milibend isə əlavə edib ki, imperiyanın sonuna çatmaq və postsovet məkanındakı münaqişələrin, o cümlədən Dnestryanı və Dağlıq Qarabağ problemlərinin dinc yolla həllinə nail olmaq lazımdır.

Böyük Britaniyanın xarici işlər naziri Devid Milibendin Kiyevdə verdiyi bəyanata münasibət bildirən Rusiyanın xarici işlər naziri Sergey Lavrov isə həmkarını narahat olmamağa çağırıb. "Dnestryanı və Dağlıq Qarabağ münaqişələri Cənubi Osetiya və Abxaziya ssenarisi ilə inkişaf etməyəcək. Çünki bu münaqişələrin həlli üçün danışıqlar aparan şəxslər Mixail Saakaşvili deyil. Moldova və Azərbaycanda Mixail Saakaşvili kimi, ağlını itirmiş, öz ölkəsini dağıdan, güc yolu ilə münaqişə həll edən liderlər yoxdur. Halbuki Gürcüstan rəhbərliyi Cənubi Osetiya və Abxaziyada məhz bunu etmişdi. Odur ki, bu məsələ ilə bağlı Milibendi arxayın etmək istərdim”, deyə S.lavrov qeyd edib.

 


Çempionlar Liqasında revanş matçları keçirilib


Avqust 29, 2008 1:30
Çempionlar Liqası 3-cü təsnifat mərhələsi revanş matçları dünən gecə keçirilən matçlarla tamamlandı

Çempionlar Liqası 3-cü təsnifat mərhələsi revanş matçları bu axşam keçirilən matçlarla tamamlandı. İlk matçlarında rəqibləriylə 2 - 2 heç-heçə oynayan Türkiyənin “Qalatasaray” komandası səfərdə Rumıniya təmsilçisi “Styaua Buxarest”ə 1 - 0 məğlub olaraq mərhələ adlaya bilmədi. “Fənərbaxça” isə İstanbulda Serbiyanın “Partizan” komandasını 2 - 1 məğlub edərək Çempionlar Liqasının qrup mərhələsinə vəsiqə qazanıb.
Çempionlar Liqasında gecənin sürprizini ilk matçda Yunanıstanın “Olimpiakos” komandasını 3-0 məğlub edən “Anortosis Famaqusta” (Cənubi Kipr), revanş matçında 1 - 0 məğlub olmasına baxmayaraq qrup mərhələsinə vəsiqə qazanıb.
Çempionlar Liqasında qrup mərhələsinin püşkatma mərasimi sabah axşam Fransanın Monako şəhərində keçiriləcək.
Çempionlar Liqası 3-cü təsnifat mərhələsi revanş matçları və ilk matçların nəticələri ilə mərhələ adlayan komandalar belədir:

Dünən:

Panatinaikos (Yunanıstan) - Sparta Praqa (Çexiya): 1 - 0 (İlk matç 2 - 1, mərhələ adlayan Panathinaikos)

Artmedia Pertjalka (Slovakiya) - Yuventus (İtaliya): 1 - 1 (İlk matç 0 - 4, mərhələ adlayan Yuventus)

Visla Krakov (Polşa) - Barselona (İspaniya): 1 - 0 (İlk matç 0 - 4, mərhələ adlayan Barselona)

Bugün:

Bate Borisov (Belarus) - Levski Sofiya (Bolgarıstan): 1 - 1 (İlk matç 1 - 0, mərhələ adlayan Bate Borisov)

Kaunas (Litva) - Aalborq (Danimarka): 0 - 2 (İlk matç 0 - 2, mərhələ adlayan Aalborq)

Slavia Praqa (Çexiya) - Fiorentina (İtaliya): 0 - 0 (İlk matç 0 - 2, mərhələ adlayan Fiorentina)

Dinamo Kiyev (Ukrayna) - Spartak Moskva (Rusiya): 4 - 1 (İlk matç 4 - 1, mərhələ adlayan Dinamo Kiyev)

Dinamo Zaqrep (Xorvatiya) – Şaxtyor Donetsk (Ukrayna): 1 - 3 (İlk matç 0 - 2, mərhələ adlayan Şaxtyor Donetsk)

Olimpiakos (Yunanıstan) - Anortosis (Cənubi Kipr): 1 - 0 (İlk matç 0 - 3, mərhələ adlayan Anortosis Famaqusta)

Styaua Buxarest(Rumıniya) – Qalatasaray (Türkiyə): 1 - 0 (İlk matç 2 - 2, mərhələ adlayan Styaua Buxarest)

Olimpik Marsel (Fransa) - Brann (Norveç): 2 - 1 (İlk matç 1 - 0, mərhələ adlayan Olimpik Marsel)

Atletiko Madrid (İspaniya) – Şalke 04 (Almaniya): 4 - 0 (İlk matç 0 - 1, mərhələ adlayan Atletiko Madrid)

Arsenal (İngiltərə) - Tvente (Hollandiya): 4 - 0 (İlk matç 2 - 0, mərhələ adlayan Arsenal)

Fənərbaxça (Türkiyə) - Partizan (Sırbistan): 2 - 1 (İlk matç 2 - 2, mərhələ adlayan Fənərbaxça)

Bazel (İsveçrə) - Guimaraeş (Portuqaliya): 2 - 1 (İlk matç 0 - 0, mərhələ adlayan Bazel)

Liverpul (İngiltərə) - Standard Lieje (Belçika): 1 - 0 (Matçın əsas vaxtı 0 - 0 başa çatdı, Liverpul əlavə vaxtda 1-0 qalib gələrək mərhələ adladı)

 


Paralimpiya oyunlarının yüngül atletika yarışlarında ölkəmizi 6 idmançı təmsil edəcək


Avqust 29, 2008 1:00
Paralimpiya oyunları 6 sentyabrda start götürür

Sentyabrın 6-da Çinin paytaxtı Pekində Paralimpiya oyunlarının startı veriləcək. Paralimpiya oyunlarının yüngül atletika yarışlarında ölkəmizi 6 idmançı təmsil edəcək. Oyunlara yollanacaq atletlərimiz hazırlığı davam etdirirlər. Heyətdə uzunluğa tullanma yarışlarında Afina Olimpiadasının qızıl və gümüş medallarını qazanmış Oleq Panyutin, həmçinin Ziynəddin Bilalov da var. Digər 4 atletimiz ilk dəfə paralimpiya oyunlarında debüt edəcək. Qaçış cığırında Vüqar Mehdiyev, Elçin Muradov və Rza Osmanov onlara olan etimadı doğrultmalıdırlar. Vladimir Zayeç isə uzunluğa tullanma yarışlarında bacarığını nümayiş etdirəcək. Olimpiya qızılına iddialı Uluxan Musayev isə yadro itələmə yarışlarında medal qazanmağa çalışacaq. Komanda rəhbərliyi bu idmançılardan uğurlu çıxış gözləyir.
Atletika komandasının baş məşqçisi Sergey Təhməzov, “Uşaqlar hamısı yarışa yaxşı hazırlaşıblar. Onların hər birindən sürpriz gözləmək olar. Hər biri medal qazana bilər. Biz 2004-cü il Paralimpiya oyunlarında iki medal qazanmışdıq. Qızıl medalı uzunluğa tullanma yarışlarında Oleq Panyutin, gümüş medalı isə 3 təkanla uzunluğa tullanan Ziynəddin Bilalov əldə etmişdi. İndi heyətimiz daha güclüdür. Say baxımından da belədir. Düşünürəm ki, biz ölkəmizi bu oyunlarda da layiqincə təmsil edəcəyik".

Qeyd edək ki,  paralimpiyaçılarımız sentyabrın 1-də Pekinə yollanacaqlar. Yüngül atletika yarışlarında çıxış edəcək Azərbaycan idmançıları isə sentyabrın 8-dən etibarən Pekin Paralimpiya Oyunlarının medalları uğrunda mübarizəyə başlayacaqlar.

 


«Böyük yeddilik» ölkələri Gürcüstanla bağlı birgə bəyanat veriblər


Avqust 29, 2008 0:30

«Biz Rusiyanın Gürcüstan ərazisinə hərbi müdaxiləsindən narahatıq və Rusiyadan öz hərbi qüvvələrini tezliklə Gürcüstandan çıxarmağı tələb edirik»

 

Beynəlxalq Birlik Rusiyanın Gürcüstan ərazisindəki qondarma qurumları tanıması ilə bağlı rəsmi Tiflisə dəstək verməkdə davam edir. «Böyük yeddilik» ölkələrinin xarici işlər nazirləri səviyyəsində keçirilmiş görüşündə nazirlər birgə bəyanatla çıxış ediblər.

«Biz Kanada, Fransa, Almaniya, İtaliya, Yaponiya, Amerika və Böyük Britaniyanın xarici işlər nazirləri Rusiyanın Gürcüstan ərazisinə hərbi müdaxiləsindən narahatıq və Rusiyadan öz hərbi qüvvələrini tezliklə Gürcüstandan çıxarmağı tələb edirik. Rəsmi Moskva bu siyasətdə dönüş yaratmalıdır»,- deyə bəyanatda vurğulanır.

 


Qusarda 61 yaşlı kişi toyda bıçaqlanıb


Avqust 29, 2008 0:00
1947-ci il təvəllüdlü Adobəy Aslanov qarın nahiyəsindən ağır bıçaq xəsarəti ilə xəstəxanaya çatdırılıb

 

Bu gecə Qusarda bıçaqlanma hadisəsi baş verib. xəbərə görə, 1947-ci il təvəllüdlü Adobəy Aslanov qarın nahiyəsindən ağır bıçaq xəsarəti ilə xəstəxanaya çatdırılıb.

Quba Mərkəzi Xəstəxanasından verilən məlumata görə, yaralının üzərində cərrahiyyə əməliyyatı aparılaraq dalağı çıxarılıb. Hazırda vəziyyəti ağırdır.

A.Aslanovun toyda bıçaqlandığı bildirilir. Qusar rayon polis şöbəsi isə hadisə yerində araşdırma aparır. A.Aslanovun kim tərəfindən bıçaqlanması araşdırılır.

 


ABŞ-ın Demokrat partiyası rəsmi olaraq Barak Obamanın Amerika prezidentliyinə namizədliyini irəli sürüb


Avqust 28, 2008 23:38
Namizəd Amerikanın keçmiş prezidenti, xanımının ilkin səsvermə zamanı Barak Obama ilə mübarizə apardığı Bill Klinton da dəstəkləyib.

ABŞ-ın Demokrat partiyasının Denverdə keçirilən qurultayında Barak Obamanın prezidentliyə namizədliyi təsdiqlənib. Belə ki, ştatlar üzrə verilən səslərin hesablanması zamanı səhnəyə çıxan Nyu-York ştatının senatoru Hillari Klinton nümayəndələrdən yekdilliklə Barak Obamanın namizədliyini müdafiə etməyi xahiş edib. Bununla da Amerika tarixində ilk dəfə olaraq prezident postu uğrunda qaradərili namizədin mübarizə aparması reallaşıb. Qurultayda çıxış edən ABŞ-ın sabiq prezidenti Bill Klinton, axtardığı namizədin məhz Barak Obama olduğunu bəyan edib: “Demokratların prezidentliyə namizədi Barak Obama ABŞ-a rəhbərlik etməyə tam hazırdır. Bu, məhz bizim axtardığımız namizəddir”.
Sabiq dövlət başçısı Barak Obamanın namizədliyini dəstəkləməyə hazır olduğunu bildirib: “Barak Obamanı ilk olaraq mən dəstəkləyirəm. Hillari kimi mən də istəyirəm ki, Obamanın namizədliyini dəstəkləyənlərin hamısı noyabrda ona dəstək versin. 1992-ci ildə keçirilən seçkiqabağı kampaniyada respublikaçılar məni də ciddi-cəhdlə gənc və təcrübəsiz siyasətçi kimi qələmə verməyə çalışırdılar. Nəticələr isə məlumdur”. Bill Klinton belə deyib.
Keçmiş prezident öz xanımı Hillari Klintonun praymerizdə uduzmasına da münasibət bildirib: “Demokratların prezidentliyə namizədi olmaq üçün iki görkəmli amerikalı mübarizə aparırdı. Bu mübarizə o qədər gərgin idi ki, hətta qlobal istiləşməni belə sürətləndirib”.
 Qeyd edək ki, ABŞ-da seçki noyabrın 4-də keçiriləcək.

 


Türkiyənin enerji və təbii ehtiyatlar naziri Hilmi Gülər gələn həftə Azərbaycana səfər edəcək


Avqust 28, 2008 23:00
Bu barədə Türkiyə mətbuat xəbər verib

 

Türkiyənin enerji və təbii ehtiyatlar naziri Hilmi Gülər, həftəsonu gedəcəyi İran səfərini sentyabradək təxirə salıb. Hilmi Gülər, gələn həftə Azərbaycan və Türkmənistana səfər edəcək. Bu barədə "Haber3.com" xəbər yayıb. Verilən məlumata görə, Hilmi Gülər ölkəmizə edəcəyi səfərdə ikinci Şahdəniz layihəsi ilə bağlı müzakirələr aparacaq. Belə ki, saytın yazdığına görə, Türkiyənin daxili təlabatı ödəmək üçün Azərbaycandan alınan qazın həcminin artırılması gündəmdədir. Qazın həcmi artırılarsa, qazın bir qisminin NABUKKO kəmərinə yönləndirilərək Avropaya ixracı da müzakirə ediləcək.
Türkmənistanda keçiriləcək görüşlərdə isə təbii qaz layihələri müzakirə ediləcək. Hilmi Gülər səfər əsnasında Transxəzər qaz kəməri, həmçinin türkmən qazının İran üzərindən nəqli barədə də müzakirələr aparacaq. Bu görüşlərdə qazaxıstanlı rəsmilərin də iştirak edəcəyi gözlənilir.

 


Futbol üzrə milli komandamız İrana məğlub oldu


Avqust 28, 2008 22:36
Qarşılaşmanın 82-ci dəqiqəsində İran millisinin oyunçusu Məhəmməd Nuri hesabı açıb

 

Futbol üzrə Azərbaycan milli komandası yoldaşlıq görüşü çərçivəsində səfərdə İran millisi ilə qarşılaşıb.Tehran şəhərinin “Azadi” stadionunda baş tutmuş matçın ilk yarısı heç-heçə başa çatıb 0-0. Qarşılaşmanın 82-ci dəqiqəsində İran millisinin oyunçusu Məhəmməd Nuri hesabı açıb 1-0, matç elə bu hesabla da başa çatıb. Beləliklə İran millisi ilə keçirdiyimiz 4-cü qarşılaşmada da qalib gələ bilmədik.
Qeyd edək ki, İran millisi ilə keçirdiyimiz 3 qarşılamanın heç birində millimiz qalib gələ bilməyib. 2002-ci ildə keçirilən qarşılaşmalarda 1:1, 2:2-lik heç-heçə qeydə alınıb, 2005-ci ildə keçirilən növbəti qarşılaşmada isə millimiz 2:1 hesabı ilə məğlub olub (hər üç qarşılaşma səfərdə keçirilib).

 


Düşənbədə Şanxay Əməkdaşlıq Təşkilatının toplantısı başlayıb


Avqust 28, 2008 21:34
Rusiya, Tacikistan, Qrığızıstan, Qazaxıstan, Çin və Özbəkistan prezidentlərinin görüşü keçirilir

Bu gün Tacikistanın paytaxtı Düşənbədə Şanxay Əməkdaşlıq Təşkilatı dövlət başçılarının iclası öz işinə başlayıb. İTAR-TASS agentliyinin məlumatına görə, toplantıda Rusiya prezidenti Dmitri Medvedevlə yanaşı Tacikistan, Qrığızıstan, Qazaxıstan, Çin və Özbəkistan prezidentləri də iştirak edirlər. Artıq prezidentlərin iştirakı ilə görüş başlayıb. Daha sonra onlara müşahidəçi ölkələrin nümayəndələri və sammitin fəxri qonalqları da qoşulacaqlar. Sammitin nəticələrinə dair sənəd, o cümlədən Düşənbə bəyannaməsi qəbul ediləcək
Qeyd edək ki, Şanxay Əməkdaşlıq Təşkilatının sammitində tanınmamış Cənubi Osetiyadakı vəziyyətin müzakirəyə çıxarılacağı gözlənilir. Rusiya kütləvi informasiya vasitələrinin yaydığı məlumata görə, sammitdə hər hansı bir qərarın qəbul edilməsi Çin tərəfinin mövqeyindən asılı olacaq.
Belə ki, separatçılıq meyllərindən əziyyət çəkən rəsmi Pekinin Rusiyanın qondarma Cənubi Osetiya və Abxaziyanın müstəqilliyini tanıması qərarını necə qarşılayacağı məlum deyil. Qeyd edək ki, Şanxay beşliyinə Rusiya, Çin, Qazaxıstan, Qırğızıstan, Özbəkistan və Tacikistan daxildir.

 


Bu gün ATƏT-in toplantısında Gürcüstanla bağlı məsələlər müzakirə olunacaq


Avqust 28, 2008 20:30
İclasda Gürcüstanı xarici işlər naziri Yekaterina Tkeşelaşvili təmsil edəcək

Bu gün Avstriyanin paytaxtı Vyanada keçiriləcək ATƏT-in daimi şurasının xüsusi iclası keçiriləcək. İclasda Gürcüstan məsələləri müzakirə olunacaq. İclasda Gürcüstanı xarici işlər naziri Yekaterina Tkeşelaşvili təmsil edəcək. Səfər çərçivəsində nazirin ATƏT sədri ilə görüşəcəyi gözlənilir.

 


Gürcüstanın Müdafiə Nazirliyi Rusiya hərbçilərinin dağıtdığı hərbi infrastrukturun bərpasına başlayıb


Avqust 28, 2008 19:32
Batu Kuteliya: «Vurulan zərərin dəqiq ölçüsü Rusiya əsgərləri bizim ölkəmizdən çıxdıqdan sonra hesablanacaq»

 

Gürcüstanın Müdafiə Nazirliyi Rusiya hərbçilərinin dağıtdığı hərbi infrastrukturun bərpasına başlayıb. Bu barədə müdafiə nazirinin müavini Batu Kuteliya məlumat verib. Amma o, ölkənin hərbi infrastrukturuna vurulan zərərin məbləği barədə dəqiq heç nə deməyib: «Rusiya hərbçiləri ilk növbədə Gürcüstanın hərbi obyektlərini məhv edirdilər və onların əksəriyyəti sonuncu mismaradək qarət edilib. Vurulan zərərin dəqiq ölçüsü Rusiya əsgərləri bizim ölkəmizdən çıxdıqdan sonra hesablanacaq».

Batu Kuteliya onu da bildirib ki, hərbi infrastrukturun bərpasında Gürcüstana ciddi yardım ediləcək. Bundan başqa, nazir müavini deyib ki, tezliklə Müdafiə Nazirliyinin saytında müharibə zamanı həlak olan şəxslər haqqında rəsmi məlumatlar dərc ediləcək.

 


Televiziya:1936- İlk əsli televiziya göstərimi BBC kanalından yayıldı.


Avqust 26, 2008 19:30

XX əsrin ən böyük kəşflərindən biri. Ən geniş yayılmış Kütləvi İnformasiya Vasitəsi

 


1936


Avqust 26, 2008 18:30
1936- İngiltərə, -Süvez Kanalı ayrı olaraq - Misira istiqlal verdi.

1789-FRANSA


Avqust 26, 2008 17:30
1789- Fransa Məclisi "İnsan ve Vətəndaş Həqləri Elaniyəsi"ni qəbul etti.


  Yazılar cəmi: 830    Sonrakı səhifə »